அமைச்சர் கம்மன்பிலவுக்கு வந்த அடுத்த சோதனை, சிங்கப்பூர் வங்கிக் கணக்கு சம்பந்தமான விசாரணைகள் ஆரம்பமா..! - Sri Lanka Muslim

அமைச்சர் கம்மன்பிலவுக்கு வந்த அடுத்த சோதனை, சிங்கப்பூர் வங்கிக் கணக்கு சம்பந்தமான விசாரணைகள் ஆரம்பமா..!

Contributors

அமைச்சர் உதய கம்மன்பிலவின் சிங்கப்பூர் வங்கிக் கணக்கு சம்பந்தமான விசாரணை ஒன்று ஆரம்பிக்கப்பட்டுள்ளதாக அரசாங்கத்தின் உட்தரப்புத் தகவல்கள் தெரிவிக்கின்றன.

சிங்கப்பூர் நிறுவனத்தின் ஊடாக இலங்கைக்கு எரிபொருள் இறக்குமதி செய்யப்படுகிறது. இதன் மூலம் கிடைக்கும் பல மில்லியன் டொலர் தரகு பணம் சிங்கப்பூரில் உள்ள வங்கி ஒன்றில் வைப்புச் செய்யப்படுவதாகவும் அந்த நிறுவனத்தின் தேவைக்கு அமைய இலங்கையில் எரிபொருளின் விலைகள் அதிகரிக்கப்பட்டுள்ளதாக கிடைத்துள்ள தகவல் ஒன்றை அடுத்து இந்த விசாரணைகள் ஆரம்பிக்கப்பட்டுள்ளதாக கூறப்படுகிறது.

குறித்த சிங்கப்பூர் நிறுவனம் கடந்த நல்லாட்சி அரசாங்கத்தின் காலத்திலும் இலங்கைக்கு எரிபொருளை விநியோகித்த பிரதான நிறுவனங்களில் ஒன்று.

எண்ணெயை உற்பத்தி செய்யும் மத்திய கிழக்கு நாடுகளில் இருந்து அதனை நேரடியாக இறக்குமதி செய்யாது, சிங்கப்பூர் நிறுவனத்தின் ஊடாக ஏன் இறக்குமதி செய்யப்படுகிறது என்ற கேள்வி, பொதுஜன பெரமுனவின் பெரும்பாலான நாடாளுமன்ற உறுப்பினர்கள் மத்தியில் பேசப்பட்டு வருகிறது.

அத்துடன் பயணக்கட்டுப்பாடுகள் விதிக்கப்பட்டு மக்கள் வாழ்வாதாரங்களை இழந்து பெரும் கஷ்டத்தை அனுபவித்து வரும் நிலைமையில் எந்த வகையிலும் எரிபொருளின் விலைகளை அதிகரிக்கக் கூடாது என்பது பொதுஜன பெரமுனவின் நாடாளுமன்ற உறுப்பினர்களது நிலைப்பாடாக உள்ளது.

இதன் காரணமாக மக்கள் மத்தியில்அரசியலில் ஈடுபட்டு வரும் அமைச்சர்கள் மற்றும் நாடாளுமன்ற உறுப்பினர்களுக்கு மக்களின் கடும் அதிருப்திக்கு உள்ளாவார்கள் எனவும் அவர் கூறியுள்ளனர்.

மக்கள் மத்தியில் சென்று அரசியலில் ஈடுபடாத அமைச்சர் உதய கம்மன்பில முழு அரசாங்கத்தையும் கஷ்டத்தில் தள்ளியுள்ளார் என்பது பொதுஜன பெரமுனவினரின் நிலைப்பாடாக உள்ளது. 

இதேவேளை, எரிபொருள் விலையேற்றத்திற்கு காரணமாக இருக்கும் அமைச்சர் உடனடியாக பதவி விலக வேண்டும் என்று ஆளும் தரப்பிற்குள் போர்க்கொடி தூக்கப்பட்டுள்ளமை குறிப்பிடத்தக்கது.

Web Design by Srilanka Muslims Web Team