சம்மாந்துறை மையவாடி மலையை தொல்பொருள் வலயமாக்க சதி : முஸ்லிம்கள் கண்விழிப்பார்களா? » Sri Lanka Muslim

சம்மாந்துறை மையவாடி மலையை தொல்பொருள் வலயமாக்க சதி : முஸ்லிம்கள் கண்விழிப்பார்களா?

tholporul6

Contributors
author image

Editorial Team

சம்­மாந்­துறை மைய வாடியை அண்­மித்த மலைப் பிர­தே­சத்தை தொல்­பொருள் பாது­காப்பு வல­ய­மாக பிர­க­ட­னப்­ப­டுத்­து­வது தொடர்­பாக ஆய்­வுகள் மேற்­கொள்­ளப்­பட்டு வரு­வ­தாக தொல்­பொருள் திணைக்­களம் தெரி­விக்­கி­றது.

மலையின் ஒரு பகு­தியில் கருங்கல் உடைப்­ப­தற்கு அனு­மதி வழங்­கப்­பட்­டி­ருந்­தாலும் தொல்­பொருள் இருப்­ப­தற்­கான தட­யங்­களைக் கொண்­டுள்ள மலையின் ஒரு­ப­குதி எல்­லை­யி­டப்­பட்டு தொல்­பொருள் திணைக்­க­ளத்­தினால் அடை­யா­ள­மி­டப்­பட்­டுள்­ளது.

இது தொடர்பில் தொல்­பொருள் திணைக்­க­ளத்தின் உதவிப் பணிப்­பாளர் நீல்மல் கொடயைத் தொடர்பு கொண்டு வின­வி­ய­போது அவர் தனது அதி­கா­ரி­யொ­ருவர் ஊடாக பின்­வ­ரு­மாறு விளக்­க­ம­ளித்தார்.

‘மைய­வா­டிக்கு அரு­கா­மை­யி­லுள்ள மலை கல் உடைப்­ப­தற்கு ஐவ­ருக்கு அனு­மதி வழங்­கப்­பட்­டுள்ள போதிலும் மலையின் ஒரு பகுதி தொல்­பொருள் திணைக்­க­ளத்­தினால் எல்­லை­யிட்டு அடை­யா­ளப்­ப­டுத்­தப்­பட்­டுள்­ளது.

அப்­ப­கு­தி­யிலே தொல்­பொருள் இருப்­ப­தற்­கான வாய்ப்­புகள் இருக்­கின்­றன. அப்­ப­குதி எவ்­வித நட­வ­டிக்­கை­க­ளுக்கும் தடை செய்­யப்­பட்­டுள்­ளது. திணைக்­கள அதி­கா­ரிகள் தொடர்ந்தும் ஆய்­வு­களை மேற்­கொண்டு வரு­கின்­றனர்.

இம்­மலைப் பிர­தே­சத்தைத் தொல்­பொருள் வல­ய­மாக பிர­க­ட­னப்­ப­டுத்­து­வது ஆய்­வு­களின் பின்பே தீர்­மா­னிக்­கப்­படும் என்றார்.

சம்­மாந்­துறை மைய­வா­டியை அண்­மித்த மலையைச் சூழ சுமார் 2000 குடும்­பங்கள் 50 வரு­டங்­க­ளுக்கும் மேலாக வாழ்ந்து வரு­கின்­றன. இங்கு பள்­ளி­வா­ச­லொன்றும் அமைந்­துள்­ளது. பள்­ளி­வா­ச­லுக்­கென்று காணி­யொன்றும் உள்­ளது. சுனாமி அனர்த்­தத்தில் உயி­ரி­ழந்த சுமார் 3000 ஜனா­ஸாக்கள் இப்­ப­கு­தி­யிலே அடக்கம் செய்­யப்­பட்­டுள்­ளன.

இது தொடர்பில் சம்­மாந்­து­றையைச் சேர்ந்த தென் கிழக்குப் பல்­க­லைக்­க­ழ­கத்தின் முன்னாள் வேந்தர் எஸ்.எம்.எம். இஸ்­மா­யிலைத் தொடர்பு கொண்டு வின­வி­ய­போது தொல்­பொருள் திணைக்­க­ளத்­தினால் அடை­யா­ள­மி­டப்­பட்டு கம்பி நாட்­டி­யுள்ள வீடியோ பதிவு தனக்கு சிலரால் அனுப்பி வைக்­கப்­பட்­டுள்­ள­தாகத் தெரி­வித்தார்.

சம்­மாந்­துறை மைய­வா­டியை அண்­மித்த மலைப் பிர­தே­சத்தில் வாழும் மக்கள் தன்­னி­டமும் முறைப்பாடு செய்துள்ளதாகவும், அப்பிரதேசம் தொல்பொருள் வலயமாக பிரகடனப்படுத்தப்பட்டால் ஆயிரக்கணக்கான மக்கள் வெளியேற வேண்டியேற்படுமெனவும் மீள் குடியேற்றம் மற்றும் புனர்வாழ்வு இராஜாங்க அமைச்சர் எம்.எல்.ஏ.எம். ஹிஸ்புல்லாஹ் தெரிவித்தார்.

(நன்றி விடிவெள்ளி)

Web Design by The Design Lanka