2027 இல் இஸ்ரேல் அழிக்கப்பட்டுவிடும் » Sri Lanka Muslim

2027 இல் இஸ்ரேல் அழிக்கப்பட்டுவிடும்

IMG_3843

Contributors
author image

நன்றி - அனுப்புனர்

– ஷெய்க் அஹ்மத் யாஸீன் –


(ஹமாஸ் இயக்கத்தின் ஸ்தாபகத் தலைவர் ஷெய்க் அஹ்மத் யாஸீனுடனான நேர்காணல் இது. பிரபல ஊடகவியலாளர் அஹ்மத் மன்ஸுரால் எடுக்கப்பட்ட இந்நேர்காணலை சடுதியாக காணக்கிடைத்தது. 1998 ஆம் ஆண்டு ஏப்ரல் மாதம் எடுக்கப்பட்ட அந்நேர்காணலை சுமார் 15 வருடங்களுக்குப் பிறகு ஒலி வடிவிலிருந்து மொழிமாற்றம் செய்து தருகிறோம்.)

அஹ்மத் மன்ஸுர்:

இஸ்ரேல் 1948 காலப்பகுதியில் உருவாகியது. இப்போது (1998) 50 வருடங்கள் கடந்திருக்கின்றன. அதன் எதிர்காலம் குறித்த உங்கள் பார்வை என்ன?

அஹ்மத் யாஸீன்:

இஸ்ரேல் அநியாயத்தின் மீதும் வன்முறையின் மீதும் எழுந்தள்ளது. அநியாயம், வன்முறையின் மீதெழும் நாடுகள் எல்லாம் அழிந்தே தீரும்.

அஹ்மத் மன்ஸுர்:

நீடித்து நிலைக்கக்கூடியவாறான முழுப்பலத்தை அது கொண்டிருந்தாலுமா?

அஹ்மத் யாஸீன்:.

உலகத்திலே பலம் யாரிடமும் தொடர்ந்து நிலைத்திருப்பதில்லை. மனிதன் குழந்தையாக பிறக்கிறான். பிறகு வளர்ந்து வாலிபப்பருவத்தை அடைகிறான். பிறகு வயோதிபத்தை எட்டுகிறான். இவ்வாறுதான் நாடுகளும். அவை பிறந்து வளர்ந்து பின்னர் அழிவை நோக்கிச் செல்கின்றன.

அஹ்மத் மன்ஸுர்:

இப்பின்புலத்தில் வைத்து நோக்குகையில் இஸ்ரேல் எக்கட்டத்தில் உள்ளது?

அஹ்மத் யாஸீன்:

இஸ்ரேல் எதிர்வரும் நூற்றாண்டின் முதற் காற்பகுதியில் இன்ஷா அல்லாஹ் அழிந்து விடும். வரையறுத்துச் சொல்வதாயிருந்தால் 2027 இல் இஸ்ரேல் இருக்காது. அதன் கதை முடிந்து விடும்.

அஹ்மத் மன்ஸுர்:

ஏன் இப்படி குறிப்பிட்டுச் சொல்கிறீர்கள்?

அஹ்மத் யாஸீன்:

ஏனென்றால் நாங்கள் குர்ஆனை விசுவாசிக்கிறோம். தலைமுறைகள் ஒவ்வொரு நாட்பது ஆண்டுகளிலும் மாற்றமுறுவதாக அது எமக்கு கற்றுத் தருகிறது. முதற் நாட்பதுகளில் நாங்கள் பேரழிவைக் கண்டோம். இரண்டாவதில் இன்திபாழா எழுந்தது. எதிரியை எதிர்கொள்ளல், சவால்விடுதல், போராட்டம், குண்டுகள் என அது காணப்பட்டது. மூன்றாவது நாட்பதுகளில் இன்ஷா அல்லாஹ் இஸ்ரேலின் நிரந்தர அஸ்தமனம் நிகழும்.

அஹ்மத் மன்ஸுர்:

இந்த அவதானத்தை எங்கிருந்து பெற்றீர்கள்?

அஹ்மத் யாஸீன்:

இது அல்குர்ஆனிலிருந்து பெறப்பட்டது. பனூ இஸ்ரவேலர்களை உதாரணத்திற்கு எடுத்துக் கொண்டால், 40 வருடங்கள் அவர்களை அல்லாஹ் அலைந்து திரியச் செய்தான். ஏன் அப்படி? நோய்வாய்ப்பட்ட களைப்படைந்திருந்த தலைமுறையை மாற்றி போராட்ட குணமிக்க ஒரு தலைமுறையைக் கொண்டுவருவதற்காக அப்படிச் செய்தான். பேரழிவை எதிர்கொண்ட சமூகத்தை இன்திபாழா எழுச்சியைக் கொண்டுவரும் சமூகமாக அவன் மாற்றியதும் அப்படித்தான். எதிர்வரும் தலைமுறை விடுதலையின் தலைமுறையாக இருக்கும் இன்ஷா அல்லாஹ்.

அஹ்மத் மன்ஸுர்:

எதிர்காலத்தை எப்படி காண்கிறீர்கள்?

அஹ்மத் யாஸீன்:

நான் சொல்வது, எமது பாதை கஷ்டமானது. அது தியாகங்களையும் பொறுமையையும் வேண்டிநிற்கிறது. ஆனால் எதிர்காலம் எங்களுக்குத்தான். அது சந்தேகமற வரும். இது அல்லாஹ்வின் வாக்குறுதியாகும். அவன் தனது வாக்குறுதிகளை ஒருபோதும் மீற மாட்டான்.

அஹ்மத் மன்ஸுர் –

மக்கள் மத்தியில் நம்பிக்கையீனம் ஆக்கிரமித்துள்ளதே!?

அஹ்மத் யாஸீன் –

கப்பலை செலுத்துபவர்களிடம் இந் நம்பிக்கையீனம் எடுபடாது. கப்பல் செலுத்துபவர்கள் நம்பிக்கையீனம் கொள்ளாமல் தமது பயணத்தைத் தொடர்வார்களாக இருந்தால், மக்கள் அவர்களைப் பின்தொடர்வார்கள்.

நான் அல்குர்ஆனிலிருந்து இவற்றை விளங்கிக் கொள்கிறேன். மதீனா யூதர்கள் பற்றி அல்குர்ஆன் இவ்வாறு குறிப்பிடுகிறது. “ அவர்கள் தமது வீடுகளிலிருந்து வெளியேறிவிடுவார்கள் என்று நீங்கள் எதிர்பார்க்க வில்லை. அவர்களும் தங்களுடைய கோட்டை கொத்தளங்கள், அல்லாஹ்வை விட்டுத் தங்களை தடுத்துக் கொள்ளுமென்று மெய்யாகவே எண்ணிக் கொண்டிருந்தார்கள்.” (அல் ஹஷ்ர் – 2).

யூதர்கள் தமது பலத்தைப் பயன்படுத்தி அத்துமீறிக் கொண்டிருந்தார்கள். தம்மால் அவர்களை எதிர்கொள்ள முடியாது என்று முஸ்லிம்கள் நம்பிக்கொண்டிருந்தார்கள். ஆனால் அல்லாஹ் அவர்கள் நினைக்காத வகையில் அவர்களிடம் பீதியை ஏற்படுத்தி அவர்களாகவே தமது வீடுகளை அழிக்குமாறு செய்தான். முஃமின்களின் கைகளைக் கொண்டும் அவர்களுடைய வீடுகளை அழித்தான்.

அஹ்மத் மன்ஸுர்:

வாழ்க்கையில் உங்கள் இலட்சியம் என்ன? இவ்வுலக வாழ்வில் எதனை சாதிக்க விரும்புகிறீர்கள்?

நான் ஒரு மனிதன். எனது எதிர்பார்ப்பு ஒன்றுதான். அல்லாஹ் என்னை பொருந்திக் கொள்ள வேண்டும் என்பதுதான் எனது ஒரே எதிர்பார்ப்பு.

IMG_3843

Web Design by The Design Lanka