5 தொடக்கம் 50 வரை (கவிதை) » Sri Lanka Muslim

5 தொடக்கம் 50 வரை (கவிதை)

muslim

Contributors
author image

நன்றி - அனுப்புனர்

Mohamed Nizous


அஞ்சு நிமிஷம் தவறாக
பஞ்சு மெத்தை தந்த சுகம்
நஞ்சாகி பிற்காலத்தில்
நெஞ்சை வாட்டி வதைத்துப் போடும்

பத்து ரூபா குறைவென்று
சுத்தமில்லா உணவு உண்ணல்
சத்தமின்றி நோய் வளர்த்து
மொத்தமான செலவு தரும்

பதினைந்து வயதுக்குள்
பக்குவமாய் வளரா பிள்ளை
அதன் பின் நெறிப் படுதல்
ஐபோனில் டவுண்லோட் போல

இருபதாண்டு வளர்த்த தாயை
எடுத்தெறிந்து ஓடுபவள்
ஒருபோதும் வாழ்க்கையிலே
உருப்படியாய் வாழமாட்டாள்

இருபத்தையாயிரம் சதுர மைல்கள்
இலங்கை முழு நாட்டினையும்
ஒருவருக்கே கொடுத்தாலும்
ஒரு பேர்ச் குறையுதென்பார்

முப்பதாம் நாள் டேட்டா மிஞ்சி
முழு நாள் நெட் பார்த்தாலும்
அப்புறமும் அலுக்காது
அதனால்தான் நெட் e போதை

முப்பத்தைந்து வயது போயும்
முடிக்க முடியா கன்னியர்கள்
தப்பு ஏதும் செய்யாமலே
தண்டிக்கப் படுகிறார்கள்

நாற்பது திருடர்களை
நம்பினாலும் இப்ப உள்ள
யாப்பு திருத்தும் கூட்டத்தை
யாரும் நம்ப முடியாது

நாற்பத்தைந்தாம் அதிபராக
நம்ப ட்ரம்பு வந்தது போல்
ஏற்பாட்டில் எழுதி இருந்தால்
யாருக்கும் வாய்ப்பு வரும்

ஐம்பது வருடத்துக்கு முன்
ஆங்கிலேயன் போன பின்னால்
செய்தது இங்கு ஒன்று மில்லை
சிங்கக் கொடி மாறியது தவிர

Web Design by The Design Lanka