சஹ்ரானுடன் தொடர்பு வைத்திருந்த 6 பேருக்கு தொடர்ந்தும் விளக்கமறியல் » Sri Lanka Muslim

சஹ்ரானுடன் தொடர்பு வைத்திருந்த 6 பேருக்கு தொடர்ந்தும் விளக்கமறியல்

IMG_20200714_091843

Contributors
author image

நன்றி - அனுப்புனர்

சஹ்ரான் ஹாசீமுடன் நெருங்கிய தொடர்பு கொண்டிருந்ததாக குற்றஞ்சாட்டப்பட்ட 6 சந்தேக நபர்களை மீண்டும் ஜுலை 27 ஆம் திகதி வரை விளக்கமறியலில் வைக்குமாறு கல்முனை நீதிமன்று உத்தரவிட்டுள்ளது.

குறித்த வழக்கு அம்பாறை மாவட்டம் கல்முனை நீதிமன்ற நீதவான் ஐ.என். றிஸ்வான் முன்னிலையில் நேற்று (13) விசாரணைக்காக எடுத்து கொள்ளப்பட்ட போது வீடியோ கன்பிரன்ஸ் (காணொளி) ஊடாக சந்தேக நபர்களிடம் விசாரணை மேற்கொள்ளப்பட்டதை தொடர்ந்து குறித்த 6 சந்தேக நபர்களையும் மீண்டும் எதிர்வரும் ஜுலை 27 ஆம் திகதி வரை விளக்கமறியலில் வைக்குமாறு உத்தரவிடப்பட்டது.

குறித்த விசாரணையின் போது மேலதிக அறிக்கைகள் பொலிஸாரினால் தாக்கல் செய்யப்பட்டு மீண்டும் சந்தேகநபர்கள் விசாரணைக்காக மீண்டும் விளக்கமறியலில் வைக்கப்பட்டனர்.

மேலும் மட்டக்களப்பு மாவட்டம் காத்தான்குடி பொலிஸ் பிரிவிற்குட்பட்ட புறநகர் பகுதி ஒன்றில் வைத்து கடந்த வருடம் மேற்குறித்த 6 சந்தேக நபர்களுடன் கைதான ஏனைய சந்தேக நபர்கள் அண்மையில் சட்டமா அதிபரின் ஆலோசனைக்கமைய பிணையில் விடுதலை செய்யப்பட்டிருந்தமை குறிப்பிடத்தக்கது.

-அம்பாறை நிருபர் ஷிஹான்-

Web Design by The Design Lanka