கண்டி திகன கலவரத்தினால் பாதிக்கப்பட்ட பிரதேசங்களில் வாழும் மிகவும்….
அகில இலங்கை வை எம். எம். பேரவையின் ஏற்பாட்டில் நோன்பு தினத்தை கருத்திற் கொண்டு கண்டி திகன கலவரத்தினால் பாதிக்கப்பட்ட பிரதேசங்களில் வாழும் மிகவும் பின்தங்கிய குடும்பங்கைளச் சேர்ந்த விதவைத் தாய்மார்களுக்கு நிதி உதவி வழங்குதல் மற்றும் உலருணவு வழங்குதல் நிகழ்வு கண்டியிலுள்ள கிளை அலுவலகத்தில் கண்டி வை எம். எம். ஏ பேராவையின் பொதுச் செயலாளர் சஹீட் எம் ரிஸ்மி தலைமையில் நடைபெற்றது.
இந்நிகழ்வில் அகில இலங்கை வை எம். எம். பேரவையின் தலைவர் என். எம் நபீழ் பிரதம அதிதியாகக் கலந்து கொண்டார்.
இதில் கலவரத்தினால் பாதிக்கப்பட்ட பிரதேசங்களில் கணவனை இழந்த 50 விதவைத் தாய்மார்களுக்கு தலா ரூபா 50000.00 விகிதம் இந்த நிதி உதவி வழங்கி வைக்கப்பட்டன.
இதில் நன்டைகொடையாளர்கள் முன்னாள் வை. எம். எம். ஏ. பேரவையின் தலைவர்களான சலீம்டீன், கே. என். டீன், கண்டி நகர் ஜம்மிய்யதுல் உலமா சபையினர் உள்ளிட்ட பலர் கலந்து கொண்டனர்.
இக்பால் அலி
