பேஸ்புக்கில் இஸ்லாத்திற்கு எதிராக எழுதியவர் வெட்டிக் கொலை: பங்களதேஷில் சம்பவம்
பேஸ்புக் இணையத்தளப் பக்கத்தில் இஸ்லாத்திற்கு எதிரான தனது கண்ணோட்டத்தை வெளிப்படுத்திய மாணவர் ஒருவர் படுகொலை செய்யப்பட்டுள்ளார்.
நஸ்முதீன் சமாத் (26 வயது) என்ற மேற்படி சட்ட மாணவரே இவ்வாறு வெட்டிக் கொல்லப்பட்டுள்ளார்.
இந்நிலையில் சம்பவ தினம் டாக்கா பல்கலைக்கழகத்துக்கு அருகிலுள்ள சந்தியில் சென்று கொண்டிருந்த அவரை மோட்டார் சைக்கிளில் வந்த 3 ஆயுததாரிகள் நெருங்கி அவரது தலையை கத்தியால் வெட்டிய பின் அவர் மீது துப்பாக்கிச் சூட்டை நடத்தி விட்டு தப்பிச் சென்றுள்ளனர்.
இதன்போது நஸ்முதீன் சமாத் சம்பவ இடத்திலேயே உயிரிழந்துள்ளார்.
ஜகன்னாத் பல்கலைக்கழகத்தில் சட்டத் துறையில் பட்ட கற்கைநெறியை கற்று வந்த அவர் தனது பேஸ்புக் இணையத்தளப் பக்கத்தில் ‘எனக்கு மதம் கிடையாது’ என்ற தலைப்பின் கீழ் மதவாதத்திற்கு எதிரான கருத்துகளை எழுதி வந்த நிலையிலேயே இவர் கொல்லப்பட்டுள்ளார்.
