20 – 20 உலகக் கிண்ணத்தை மேற்கிந்திய தீவுகள் அணி சுவீகரித்தது.
இருபதுக்கு இருபது உலகக் கிண்ணத்தை மேற்கிந்திய தீவுகள் அணி சுவீகரித்துக் கொண்டது.
இங்கிலாந்து அணியுடான இறுதிப் போட்டியில் மோதிய மேற்கிந்திய தீவுகள் அணி சிறப்பாக தமது திறமைகளை வெளிப்படுத்தி உலகக் கிண்ணத்தை தனதாக்கிக் கொண்டுள்ளது.
முதலில் துடுப்பெடுத்தாடிய இங்கிலாந்து அணி இருபது ஓவர்கள் நிறைவில் ஒன்பது விக்கெட் இழப்புக்களுக்கு 155 ஓட்டங்களை பெற்றது.
பதிலுக்கு துடுப்பெடுத்தாடிய மேற்கிந்திய தீவுகள் அணியானது 19.04 ஓவர்கள் முடிவில் நான்கு விக்கெட் இழப்புக்கு இவ் இலக்கை எட்டியது.
மேற்கிந்திய தீவுகள் அணியின் வீரர்களான சாமுவேல்ஸ் – 85 ஓட்டங்களையும் பிறித்வைட் 34 ஓட்டங்களையும் எடுத்து அணியின் வெற்றியை உறுதிப்படுத்தினர்.
இருபதுக்கு இருபது உலகக் கிண்ணத்தை மேற்கிந்திய அணி இக்கிண்ணத்துடன் இரண்டாவது தடவையாக சுவீகரித்துள்ளமை குறிப்பிடத்தக்கது.
2016ம் ஆண்டுக்கான இருபதுக்கு இருபது உலகக் கிண்ணத்தை ஆண்கள் மற்றும் பெண்கள் மேற்கிந்திய தீவுகள் அணி சுவீகரித்துள்ளமை உலக கிரிக்கெட் ரசிகர்களின் கவனத்தை ஈர்த்துள்ளது.
