மலே சங்கத்தினால் 400 உலர் உணவுப் பொதிகள் வழங்கிவைப்பு
புனித நோன்பை முன்னிட்டு ஸ்ரீ லங்கா மலே சங்கத்தின் றூபி பண்ட் மூலம் வழமைபோன்று இம்முறையும் கொம்பனி விதியில் வசிக்கும் வருமானம் குறைந்த மூவினத்தையும் சேர்ந்த சுமார் 400 குடும்பங்களுக்கு உலர் உணவுப் பொருட்கள் வழங்கும் நிகழ்வு சங்கத்தின் காரியாலயத்தில் வைத்து அதன் தலைவர் தேச பந்து திருமதி செஸ்னின் முஸபர் தலைமையில் நேற்று முன்தினம் (02) இடம் பெற்றது.
இந்நிகழ்வில் பிரதம அதிதியாக இராஜாங்க அமைச்சர் ஏ.எச்.எம்.பௌசியும் கௌரவ அதிதியாக புரவலர் ஹாசிம் உமரும் கலந்து கொண்டு உலர் உணவுப் பொதிகளை வழங்கி வைத்தனர்.
இதன்போது சங்கத்தின் செயலாளர் திருமதி யாஸ்மின் டோல், பொருலாளர் திருமதி ஜாம் ஜாம் டூல், நம்பிக்கையாளர் சபை உறுப்பினர் புலோரின் அமித் உள்ளிட்ட ஏனைய சங்க உறுப்பினர்களும் கலந்து கொண்டிருந்தனர்.
